ABANGAN SA FAILON NGAYON!

Episode Date: June 4, 2011

65 na saksak. Positibong hinalay. Natagpuang walang buhay na lumulutang sa isang ilog sa Bocaue, Bulacan.

Ito ang karumaldumal na sinapit ng apat na taong gulang na si Monica Venice Velasquez o mas kilala bilang si Binang. Pangalawa si Binang sa apat na anak nila Michael at Maricel Velazquez.

Ayon kay Maricel, Linggo ng hapon nang kanyang matanto na nawawala ang kanyang anak na si Binang. Sinubukang hanapin ni Maricel ang nawawalang bata ngunit hindi niya ito mahanap. Matapos ang isa’t kalahating oras, nakita ni Maricel ang kanilang kapitbahay na si Michael dela Buena, 19 na taong gulang. Nang makita nila si dela Buena, kahina-hinala ang kanyang itsura dahil siya’y putikan, tuliro, at naka-salawal lamang.

Nang tanungin si dela Buena kung siya’y may kinalaman sa pagkakawala ng bata na si Binang, ‘di siya umiimik, kahit na siya’y pinag-bubugbog na ng mga kapitbahay.

Kinabukasan ng umaga, natagpuan sa isang puno malapit sa ilog ang shorts ng pinaghihinalaang si dela Buena at ang salawal ng nawawalang si Binang na nakasabit sa sanga. Ang pinaka-masakit na kanilang natagpuan ay ang lumulutang na bangkay ng nawawalang bata.

Napag-alaman na positibong kay dela Buena ang natagpuang shorts malapit sa ilog. Sinampaan na siya ng kasong Rape with Murder at siya’y kasulukuyang naka-piit sa munisipyo ng Balagtas. Maliban sa nag-yari, napag-alaman din na si dela Buena ay nagkaroon na ng kaso sa kanyang tinubuang lugar ng Angeles, Pampanga.

Pag-aaralan ng FAILON NGAYON kung ano ang tumatakbo sa isipan ng isang tao para maka-gawa ng ganito ka-brutal na krimen at kung paano niya nahikayat ang apat na taong gulang na bata na sumama sa kanya.
Alamin ang buong kwento BUKAS NG HAPON sa FAILON NGAYON.

Dahil ang Solusyon at Aksyon ay Dapat Ngayon!
Sabado, 4:45 ng hapon, pagkatapos ng ABS-CBN Special Report

 from: Failon Ngayon Fan Page